काठमाडौँ। उपराष्ट्रपति नन्दबहादुर पुनले नेपालका लागि साउदी अरबका राजदूतसँग आज भएको भेटघाटमा अहिले कतिपय नेपाली कैद भुक्तानी भएपछि पनि जरिवाना बुझाउन नसक्दा कारागारमै बसिरहनु परेको हुँदा सहयोगका लागि आग्रह गर्नुभएको छ ।
कान्तिपथ बहादुरभवनस्थित उपराष्ट्रपतिको कार्यालयमा आज भएको भेटमा उपराष्ट्रपतिले र नेपाल–साउदीबीच विगतदेखि सद्भाव र विश्वासमा आधारित सम्बन्ध रहेको र आगामी दिनमा समेत सुमधुर हुने बताउनुभयो ।
राजदूतले साउदी–नेपाल सम्बन्ध धेरै पुरानो र घनिष्ठ रहेको र यसलाई अझै सुधार्नुपर्नेमा जोड दिनुभएको उपराष्ट्रपतिका प्रेस संयोजक मनोज घर्तीले जानकारी दिनुभयो ।