Ujyaalo Chitwan

<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiMjgrMTWffIxlMmAbxxre_BdXwuSDAmZhJVRxMUsoM1V46GqATWkZjIXjP0tG9bx_S8-3Cy4iXK8JaAXUE-7CpwFMwMyJbW-7bD0edo8IJdR66TqHas67fTatFJHelLB6ZOCPrSdEqI6Y/s1600/1161.jpg" imageanchor="1" style="margin-left: 1em; margin-right: 1em;"><img border="0" data-original-height="248" data-original-width="350" height="452" src="https://blogger.googleusercontent.com/img/b/R29vZ2xl/AVvXsEiMjgrMTWffIxlMmAbxxre_BdXwuSDAmZhJVRxMUsoM1V46GqATWkZjIXjP0tG9bx_S8-3Cy4iXK8JaAXUE-7CpwFMwMyJbW-7bD0edo8IJdR66TqHas67fTatFJHelLB6ZOCPrSdEqI6Y/s640/1161.jpg" width="640" /></a></div>
 
काठमाडौं – यौनकर्मलाई नेपाली कानुनले निषेध गरेको छ। त्यसैले यौनकर्मीको सजिलै पहिचान हुन गाह्रो छ, यहाँ। मैले बाध्यतावश यौनकर्म र यौनजन्य गतिविधिमा लागेका महिलासँग काम गर्ने निधो गरेँ। सकेसम्म उनीहरूलाई यौनजन्य जोखिमबाट मुक्त गरेर वैकल्पिक पेसामा उभ्याउने उद्देश्यका साथ मैले यस्तो निधो गरेकी हुँ। त्यसैले यौनकर्मी महिलासँग भेटघाट गर्नु, उनीहरूको कुरा सुन्नु र आवश्यक सरसल्लाह दिनु मेरो कर्तव्यभित्र पर्छ। यसै क्रममा मैले प्रशस्तै यौनकर्मीसँग भेटेको छु। उनीहरूको अनुभव सुन्ने र बुझ्ने अवसर पाएका छु। तीमध्ये यस्ता छन् मैले फेला पारेका अनौठा यौनकर्मी : 
 
पहिलोपटक भेटेको यौनकर्मी 
 
मैले पहिलोपटक भेटेको यौनकर्मी महिला १८ वर्षकी थिइन्। उनी द्वन्द्वमा आफ्ना आमाबाबु गुमाएपछि आफ्नो गाउँ (सिन्धुपाल्चोक)मा बस्न नसकी काठमाडौं आएकी रहिछन्। सहरी परिवेशसँग बिल्कुलै अनभिज्ञ थिइन् उनी। उनलाई एकजना ट्याक्सी ड्राइभरले सहरको कुनै एउटा गेस्ट हाउसमा भाँडा माझ्ने काममा लगाइदिएछन्। दुईचार दिन गेस्टहाउसको भाँडा माझेरै बित्यो। 
एक रात विदेशबाट आएको एकजना व्यक्ति त्यो गेस्ट हाउसमा पुगेछन्, बास बस्न। अन्दाजी ४० वर्षका ती ग्राहकले उनीसित यौनसम्पर्क गर्ने इच्छा पोखे गेस्टहाउसका मालिकसँग। मोटो रकम पाएपछि मालिकलाई पुगिहाल्यो। त्यस रातपछि बाध्यताले ती महिलाको जीवन जिउने बाटो बनेको रहेछ यौनकर्म। 
 
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEixgbvkCkmRz4H8JvkRgBWNuhbj_hIpWBU9pcwoei2_Pb_CJUjexr5NP4f3lskObDknLnO4Xo1LLlE1pib4aT0n5pLVPBLjIvYM1YvG9Kx7_l0-V2ke81fBFaX2FTUmmWjVQgcMO-StW8s/s1600/o-aunty-katha_135393170314.jpg" imageanchor="1" style="margin-left: 1em; margin-right: 1em;"><img border="0" data-original-height="453" data-original-width="680" height="424" src="https://blogger.googleusercontent.com/img/b/R29vZ2xl/AVvXsEixgbvkCkmRz4H8JvkRgBWNuhbj_hIpWBU9pcwoei2_Pb_CJUjexr5NP4f3lskObDknLnO4Xo1LLlE1pib4aT0n5pLVPBLjIvYM1YvG9Kx7_l0-V2ke81fBFaX2FTUmmWjVQgcMO-StW8s/s640/o-aunty-katha_135393170314.jpg" width="640" /></a></div>
 
 
पहिलोपटक भेटेको पुरुष यौनकर्मी 
 
ती पुरुष यौनकर्मी २८ वर्ष जतिका थिए। यौनकर्मी महिला साथीहरूको सहयोगमा ती पुरुष यौनकर्मीसँग भेटघाट गर्ने अवसर पाएँ। उनी वैदेशिक रोजगारमा गएका रहेछन्। तर, भनेअनुसारका काम र कमाइ नभएपछि तीन महिनामै उनी स्वदेश फर्केका रहेछन्। स्वदेश फर्के पनि विदेश जाँदा लिएको ऋण तिर्ने अवस्था नभएपछि काठमाडौंमै बस्न बाध्य भएका रहेछन्। काम खोज्दै काठमाडौंमै भौतारिइरहेका बेला एउटा साथीको सहयोगमा पैसा तिरेर यौनप्यास मेट्ने महिलाहरूको सम्पर्कमा पुगेछन्, ती पुरुष। उनको रोजीरोटीको बाटो बनेको छ यौनकर्म। 
 
एउटी अचम्मकी यौनकर्मी 
 
एउटी अचम्मकी यौनकर्मी भेटेँ मैले। उनी पैसाका लागि होइन, केवल यौनप्यास मेट्न पार्टनर खोज्दी रहिछन्। मैले भेट्दा उनी ३८ वर्षकी जस्ती देखिन्थिन्। सहरको सम्भ्रान्त परिवारकी सदस्य हुन् उनी। उनले आफू यौनकर्ममा लाग्नुको कारण यसरी बताइन् : ‘जब म मदिरा सेवन गर्छु, त्यसपछि सेक्स नगरी सुत्नै सक्दिनँ। मेरो अनौठो बानी के छ भने मलाई पानीमा रुझ्दै भिज्दै पार्टनरसँग सेक्स गर्नुपर्छ। मेरो श्रीमान्लाई भने अचेल सेक्समा पटक्कै रुचि छैन। यो समस्या समाधान गर्न म र मेरा श्रीमान् यौन विशेषज्ञकहाँ परामर्शका लागि पनि गयौं तर समस्या समाधान हुन सकेन। 
 
मदिरा सेवन नगरौं भने पनि अचेल बिहे, व्रतबन्ध, पास्नी, भोज, पिकनिक सबैमा हल्का ड्रिंक्स चलिहाल्छ। जब म मदिरा सेवन गर्छु, त्यसपछि ममा अत्यधिक यौन उत्तेजना हुन्छ। त्यसैले भिज्दै वा पानीमा डुबुल्की मार्दै मलाई यौन तृष्णा मेट्नुपर्छ। यो मेरो सोख नै भइसकेको छ। मेरै श्रीमान्को सहमतिमा मैले एक जनालाई पार्टनर बनाएको छु। मलाई दुई छाक खान समस्या छैन तर चाहेको बेला यौन तृष्णा कसरी मेट्ने भन्नेचाहिँ चिन्ता लाग्छ।’ यो सहरमा मैले जीवनमै भुल्न नसक्ने यस्ती यौनकर्मी पनि भेटेँ। 
 
यौनकर्ममा प्लस टु पुस्ता 
 
मैले हजारौंमा केही प्लस टु पढ्दै गरेका यौनकर्मी पनि भेटेँ। जसोतसो अभिभावकले एसएलसीसम्म सहयोग गरेकाले पढेको र त्यसपछिको पढाइ पूरा गर्न यौनकर्ममा लागेको भेटिए उनीहरू। कतिपय स्कुटर चढ्ने रहर पूरा गर्न यौनकर्ममा लागेको भेटिए। स्कुटर नभएको भनी हेप्ने साथीहरूलाई स्कुटर चढेर देखाउने इच्छा अभिभावकले पूरा नगरिदिएपछि त्यसलाई पूरा गर्न आफू यौनकर्ममा लागेको उनीहरूले बताए मलाई। 
 
यस्तो सुन्दा लाग्यो, कक्षा ११ मा पढ्ने छोरीको केही कमाइ छैन तर उसले कहाँबाट र कसरी स्कुटर किनी भनेर उनीहरूका आमाबाबुमा खुल्दुली आउँछ होला। 
 
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjixD3V5EZNuB3pTXzy2wKZzFMfZcQZXTtW3sj2YcH3kc2arSj8ypDmL_W0Mg9vqvc8agU4hr6OPc3Rv9-K7eIaJ1sAmJhTFnDhF37VA66s81FGlTTFM2Wq7gE8jmECpqUD7RwJLBSHUmE/s1600/14563373_218028378628457_3634213126641639006_n.jpg" imageanchor="1" style="margin-left: 1em; margin-right: 1em;"><img border="0" data-original-height="247" data-original-width="487" height="324" src="https://blogger.googleusercontent.com/img/b/R29vZ2xl/AVvXsEjixD3V5EZNuB3pTXzy2wKZzFMfZcQZXTtW3sj2YcH3kc2arSj8ypDmL_W0Mg9vqvc8agU4hr6OPc3Rv9-K7eIaJ1sAmJhTFnDhF37VA66s81FGlTTFM2Wq7gE8jmECpqUD7RwJLBSHUmE/s640/14563373_218028378628457_3634213126641639006_n.jpg" width="640" /></a></div>
 
यौनकर्ममा करोडपतिकी पत्नी 
 
 २०६७ साल साउन २५ गते महानगरीय प्रहरीले काठमाडौंमा अव्यवस्थित रूपमा खोलिएका केही क्याबिन रेस्टुराँ, मसाज र डान्स बारबाट यौनजन्य गतिविधिमा संलग्न भएको आरोपमा ४० जना महिलालाई पक्राउ गरेको रहेछ। तीमध्ये ३५ जना विभिन्न उमेरसमूहका महिलालाई हनुमानढोका प्रहरीले पुन:स्थापनाका लागि रक्षा नेपालमा पठाएको थियो। उनीहरूलाई बुझी संस्थाको सेल्टरमा ल्याउन म आफैं गएकी थिएँ। उनीहरूलाई ल्याएपछि एक/एकजनासँग गोप्य कुराकानी भयो मेरो। तीमध्ये अधिकांशको आआफ्नै दु:ख थियो, दर्द थियो। सबै चिन्तित अनुहारमा थिए। उनीहरू भन्दै थिए, ‘वैकल्पिक बाटो भइदिए हामी तुरुन्तै यो पेसा परिवर्तन गर्न तयार छौं।’ 
 
तर एउटी अन्दाजी ४० देखि ४५ वर्षकी लाग्ने महिलाको कुराकानी, उनको हाउभाउ र बोल्ने शैली बेग्लै थियो। कुरा गर्ने पालो आएदेखि नै उनी मुख खुम्च्याउँदै बोल्दै थिइन्। उनको भित्री कुरा सुन्दा म पनि छक्क परेँ। उनले मलाई यसो भनिन्, ‘तपाईं पत्याउनुहुन्न होला, म मारवाडी परिवारकी सदस्य हुँ। मेरो श्रीमान् ठूलो व्यापारी छन्। उनी व्यापारकै सिलसिलामा कहिले भारत, कहिले चीन र कहिले थाइल्यान्ड पुगिरहन्छन्। उनी प्राय: घरबाहिर भइरहन्छन्। कहिलेकाहीँ घर आए पनि कि ल्यापटप, कि फोन, कि त मोबाइलमा बिजनेस डिल गर्नमै व्यस्त हुन्छन्। कतिसम्म भने मेरा श्रीमान्‌लाई आफ्ना छोराछोरी कति कक्षामा पढिरहेका छन्, त्यो पनि थाहा हुँदैन। छोराछोरी र श्रीमतीले जति मागे पनि पैसा दिन्छन् तर त्यो पैसा केमा खर्च भयो, केही मतलब छैन। मेरो घरमा नपुग्दो केही छैन। नोकर, चाकर, हीरामोती, सुनचाँदी, गाडी, बैंक ब्यालेन्स सबै छ। तर, ती सबै कुराले मात्रै नहुँदो रहेछ। ती भएर पनि मेरो शारीरिक आवश्यकता पूरा भएन। 
 
यो कुरा मेरो श्रीमान्ले बुझिदिएनन्। पैसाका लागि होइन, शारीरिक आवश्यकता पूरा गर्न मसाज पार्लर खोलेकी हुँ मैले। त्यहाँ आउने ग्राहक चित्तबुझ्दो छन् भने म आफैं यौनसम्बन्धका लागि तयार हुन्छु। म यसैमा खुसी छु। यसमा अरूको टाउको दुख्नुपर्ने किन? -अन्नपूर्ण आरकाइभबाट

मैले भेटेको यौनकर्मी: करोडपतिकी पत्नीदेखि प्लस टु पुस्ताका समेत

काठमाडौं – यौनकर्मलाई नेपाली कानुनले निषेध गरेको छ। त्यसैले यौनकर्मीको सजिलै पहिचान हुन गाह्रो छ, यहाँ। मैले बाध्यतावश यौनकर्म र यौनजन्य ...

<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEh8ccvDK_RxOCsUL0X9dKxhcQf5VsxKlPkFlZ5T_y0o8p6Dgh3udDxI5F7zJB622ivUDUB9S81n952SqZA0pvTojNhz-LzN8medbLHW7QhdpE_70Ot9iKPS3POx8Rga9qRNXC-FppCvGHw/s1600/timthumb+%25281%2529.jpg" imageanchor="1" style="margin-left: 1em; margin-right: 1em;"><img border="0" data-original-height="455" data-original-width="640" height="454" src="https://blogger.googleusercontent.com/img/b/R29vZ2xl/AVvXsEh8ccvDK_RxOCsUL0X9dKxhcQf5VsxKlPkFlZ5T_y0o8p6Dgh3udDxI5F7zJB622ivUDUB9S81n952SqZA0pvTojNhz-LzN8medbLHW7QhdpE_70Ot9iKPS3POx8Rga9qRNXC-FppCvGHw/s640/timthumb+%25281%2529.jpg" width="640" /></a></div>
 
विदेशबाट आउने नेपालीहरुको हातहातमा एलइडी टिभी र मोबाईल हुने गरेको छ। रोजगारीको शिलसिलामा विदेश गई स्वदेश फर्किने अधिकांशले एलइडी टिभी र स्मार्टफोन ल्याउने गरेको पाइन्छ।   त्रिभुवन अन्तर्राष्ट्रिय विमानस्थलमा आवतरण भएका उनीहरुले विदेशबाट ल्याउँदा सस्तो हुने भएकोले टिभी ल्याउने गरेको बताउँछन्। ३२ इन्चसम्मको टिभी ल्याउँदा भन्सार शुल्क नलाग्ने नियम भएकोले प्रायले सो सुविधाको उपयोग गर्नेगरी मध्यम आकारको टिभी ल्याउने गरेका हुन्। 
 
 
 
घर फर्किँदा गतिलो ‘नासो’ हुने भएकोले पनि टिभी ल्याएको बताउँछन् मलेसियाबाट फर्किएका मोहत्तरीका लाल मण्डले।   पाँच वर्ष मलेसिया बसेर फर्किएका उनी विदेशको चिनो पनि हुने र घरको लागि पछिसम्म प्रयोगमा पनि आउने भएकोले आफूले टिभी ल्याएको बताए। लामो समय विदेशमा काम गर्दा जति नै दुःख पाए पनि घरमा भएका परिवारले के ल्यायो भनेर अपेक्षा गर्ने हुँदा उनीहरुले पाउनेजति स्मार्ट फोन पनि ल्याउने गरेका छन्।  आफन्तहरुलाई उपहार पनि हुने, ल्याउँदा धेरै महँगो पनि नहुने भएकाले स्मार्टफोन ल्याएको हुँ’ दुई वर्ष मलेसिया बसेर तीन महिनाको लागि विदामा घर आएका धादिङका राजकुमार श्रेष्ठले भने। 
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgiWcROhawDmCNb2rlutU3kx1vXk5GWyblO4aV6CnRK1IIRO4FjkUMsoST2ns2gwDRoBRLWwj1RxJ0P7fWFMZbowDF32YANuqXdjsMLRwa_1NMvJYF5Ey9MC1x8ey0CgW8J_Z_aUpllleQ/s1600/biman.jpg" imageanchor="1" style="margin-left: 1em; margin-right: 1em;"><img border="0" data-original-height="480" data-original-width="640" height="480" src="https://blogger.googleusercontent.com/img/b/R29vZ2xl/AVvXsEgiWcROhawDmCNb2rlutU3kx1vXk5GWyblO4aV6CnRK1IIRO4FjkUMsoST2ns2gwDRoBRLWwj1RxJ0P7fWFMZbowDF32YANuqXdjsMLRwa_1NMvJYF5Ey9MC1x8ey0CgW8J_Z_aUpllleQ/s640/biman.jpg" width="640" /></a></div>
 
कतिपय बाहिरी देशमा नेपालमाभन्दा सस्तो स्मार्टफोन पाइन्छ। सामान्यतः मध्यम स्तरका स्मार्टफोनमा दुई हजार देखि १० हजार रुपैयाँसम्म सस्तो पाइने श्रेष्ठले बताए। नेपालको भन्सार नियमअनुसार विदेशबाट आउनेले प्रयोग गरिरहेको फोन बाहेक एउटामात्र फोन ल्याउन पाइन्छ। तर विदेशबाट आउनेहरुले तोकिएको भन्दा पनि बढी फोनहरु ल्याउने गरेका छन्। त्यसमा भन्सारले कुनै पनि कडाई नगरेको फर्किएका युवाहरु बताउँछन्। समाचारमा पढेअनुसार मैले एउटा मात्र फोन ल्याएँ’ विमानस्थलमा भेटिएका अर्का एक युवाले भने, ‘तर यहाँ ५/६ वटा फोन ल्याउनेलाई पनि छानविन नभएको पाइयो।’ नेपालबाट प्रतिदिन औसत १२ सय नेपालीहरु विदेश जान्छन् तर चाडवाडको समयमा भने थोरै मात्रै विदेशिन्छन्। यो समयमा आउने नेपालीहरु भने दैनिक करिब ३ हजारको हाराहारीमा हुने अध्यगमनका अधिकारीहरुले जानकारी दिएका छन्। घरभन्दा टाढा गएपछि केही न केही नासो ल्याउने नेपालीहरुको पुरानो परम्परा भएकोले पनि विदेसिएका अधिकांशको हातमा टिभी र स्मार्टफोन हुने गरेको अनुभव सुनाउँछन् त्रिभुवन विमानस्थल परिसरमा ट्याक्सी चलाउँदै आएका विरमान लामा। 
 
प्रायः कोही पनि खाली हात आउँदैनन्’ उनले भने, ‘टिभी, ठूला सुटकेस तथा झिटीगुन्टा ल्याउने क्रम अहिले धेरै बढेको छ।’ भीडभाडले विमानस्थल अव्यवस्थित भएपनि भन्सार र अध्यागमनका अधिकारीहरुले आफूहरुलाई धेरै दुःख नदिएको भित्रिएका युवाहरु बताउँछन्। धेरै नेपालीहरु आउने भएकोले आफूले अध्यगमन र भन्सारमा सास्ती भोग्नु नपरेको दुबईबाट आएका सल्यानका खुमबहादुर बस्नेतले बताए।

विदेशबाट आउने नेपालीको हात–हातमा टिभी र स्मार्टफोन

विदेशबाट आउने नेपालीहरुको हातहातमा एलइडी टिभी र मोबाईल हुने गरेको छ। रोजगारीको शिलसिलामा विदेश गई स्वदेश फर्किने अधिकांशले एलइडी टिभी र स...

Ujyaalo Chitwan

मैले भेटेको यौनकर्मी: करोडपतिकी पत्नीदेखि प्लस टु पुस्ताका समेत

विदेशबाट आउने नेपालीको हात–हातमा टिभी र स्मार्टफोन

Popular Posts

Blog Archive